२०७९ कार्तिक १२, शनिबार | २०७९ मंसिर २१ | ourtourismnews@gmail.com

बैंकहरुको होटल क्षेत्रमा लगानी बढ्दो, कर्जामा ३०० प्रतिशतले वृद्धि

२०७९ कार्तिक १२, शनिबार

बैंकहरुले होटल क्षेत्रमा आफ्नो लगानी बढाउदै गएका छन् । पछिल्लो ६ वर्षमा होटलहरुमा बैंक तथा वित्तीय क्षेत्रको लगानी ३०१.७१ प्रतिशतले बढेको छ ।

सन् २०२० लाई सरकारले नेपाल भ्रमण वर्षका रुपमा मनाउने र २० लाख विदेशी पर्यटक भित्राउने घोषणा गरेसँगै होटलहरुमा स्वदेशी र विदेशी दुबै लगानी बढेको हो ।

सन् २०२० मा होटल क्षेत्रमा बैंक तथा वित्तीय संस्थाले कुल १ खर्ब १३ अर्ब ८९ करोड लगानी गरेका थिए । सन् २०२१ मा १ खर्ब ४५ अर्ब ७५ करोड रुपैयाँ थियो । यो सन् २०२० को तुलनामा २८ प्रतिशतले बढी हो ।

त्यस्तै सन् २०२२ को यस अवधिसम्मा १ खर्ब ६० अर्ब ३१ करोड १० लाख रुपैयाँ लगानी गरेका छन् । जुन सन् २०२१ को तुलनामा सन् २०२२ मा १० प्रतिशतले बढी हो ।

त्यसैगरी सन् २०१९ मा ९१ अर्ब ३० करोड रुपैयाँ कर्जा प्रवाह भएको थियो । सन् २०१८ को तुलनामा यो ३५.१ प्रतिशतले बढी थियो ।

सन् २०१८ मा ६७ अर्ब ५९ करोड रुपैयाँ लगानी थियो भने सन् २०१७ मा कर्जा लगाानी ५० अर्ब ९२ करोड र सन् २०१६ मा होटलहरुमा बैंक तथा वित्तीय क्षेत्रको लगानी ३९ अर्ब ९० करोड रुपैयाँमा सीमित थियो ।

प्रतिक्रिया

सम्बन्धित खवर