२०७८ चैत्र १६, बुधबार | २०७९ मंसिर ९ | ourtourismnews@gmail.com

नाट्टा निर्वाचन : बिनय बस्नेत र रमेश थापा समूह बिच प्रतिस्पर्धा, थापा समूह बलियो

२०७८ चैत्र १६, बुधबार

नेपाल एशोसियशन टुर्स एण्ड ट्राभल्स एजेन्टस् (नाट्टा) को भोली हुन लागेको ५५ औँ वार्षिक साधारण सभा एवम् २३ औँ निर्वाचनमा नेतृत्वका लागि वर्तमान वरिष्ठ उपाध्यक्ष बिनय बस्नेत र उपाध्यक्ष रमेश थापा समूह बिच प्रतिस्पर्धा हुने भएको छ ।

दुबै पक्षले आ आफ्नो समुह बनाई प्रचार प्रसारमा तिब्रता दिएका छन् ।

वरिष्ठ उपाध्यक्ष बिनय बस्नेतलाई एमाले निकट पर्यटन व्यवसायीहरुले साथ दिएका छन् । अध्यक्षका अर्का उम्मेदवार रमेश थापालाई नेपाली काँग्रेस निटक पर्यटन व्यवसायी, नेकपा माओवादी केन्द्रनिकट पर्यटन व्यवसायी, नेकपा एकीकृत समाजवादी निकट पर्यटन व्यवसायी र जनता समाजवादी पार्टी निकट पर्यटन व्यवसायीको साथ र समर्थन रहेको छ । थापा समूहलाई गठबन्धनमा रहेका सबै दलको साथ रहेकाले बलियो उम्मेदवारको रुपमा हेरिएको छ ।

यस्तो छ बिनय बस्नेत समूह

वरिष्ठ उपाध्यक्षमा सुधीरकुमार उपाध्याय, सुनिल शर्मा, महासचिवमा जिश्वाँ तुलाधर श्रेष्ठ, सचिवमा प्रज्ञा शर्मा, कोषाध्यक्षमा सुदर्शन नेपाल र सह कोषाध्यक्षमा गीता ढकाल रहेकी छिन् ।

सदस्यहरुमा विष्णु पाण्डे, सुदर्शन पौडेल, साधुराम थापा, दिनेश मैनाली, सन्तोष गुरुङ, चुडा जिम्बा, सुमनलाल श्रेष्ठ र राजकुमार पाठकले कार्यसमिति सदस्यमा उम्मेदवारी घोषणा गरेका छन् ।

यस्तो छ रमेश थापा समूह

वरिष्ठ उपाध्यक्षमा प्रमोद दाहाल, उपाध्यक्षमा वरुण मेहता, महासचिवमा कुमारमणि थपलिया, सचिवमा युविका भण्डारी, कोषाध्यक्षमा राजकुमार देवकोटा र सह कोषाध्यक्षमा राजन शाक्य रहेका छन् ।

सदस्यहरुमा ढकनाथ काफ्ले, नमराज भेटुवाल, परशुराम घिमिरे, रामशोभित नायक, डेन्डी शेर्पा, महेश कोइरला , श्रद्धा जोशी र सवला भण्डारीले कार्यसमिति सदस्यमा उम्मेदवारी घोषणा गरेका छन् ।

प्रतिक्रिया

सम्बन्धित खवर