२०७८ मंसिर १५, बुधबार | २०७९ श्रावण २० | ourtourismnews@gmail.com

पर्यटन बोडले ल्यायो ९२ करोड १८ लाख ५६ हजारको बजेट (पूर्णपाठ)

२०७८ मंसिर १५, बुधबार

करिब चार महिनापछि पर्यटन बोडले ल्यायो ९२ करोड १८ लाख ५६ हजारको बजेट (पूर्णपाठ)

नेपाल पर्यटन बोर्डले आर्थिक वर्ष २०७८/ ७९ को लागि ९२ करोड १८ लाख ५६ हजार रुपैयाँ बजेट विनियोजन गरेको छ ।

बोर्ड सञ्चालक समितिले आर्थिक वर्ष सुरु भएको करिब चार महिनापछि बजेट सार्वजनिक गरेको हो । बजेटले पर्यटन बजार व्यवस्थापन तथा प्रवर्द्धन, जनसम्पर्क एवं प्रचारप्रसारलाई विशेष प्राथमिकता दिएको छ ।

बजेटमा बोर्डको चालु खर्चको बजेट तर्फ ६५ करोड ८ लाख ६१ हजार ३ सय र पूँजीगत तर्फ रु २६ करोड १५ लाख ८० हजार गरी बोर्डको कुल खर्च ९१ करोड २४ लाख ४१ हजार ३ सय प्रस्ताव गरिएको छ । स्रोत तर्फ ९२ करोड १८ लाख ५६ हजार प्रक्षेपण गरिएको छ ।

बोर्डले कोभिड पछिको पर्यटनलाई चलायमान गर्ने गरि विभिन्न शिर्षकमा बजेट बिनियोजन गरेको छ । बोर्डले गरेको बजेट विनियोजनमा पर्यटन बजार व्यवस्थापन तथा प्रवद्र्धन तर्फ १४ करोड ४१ लाख ५० हजार रुपैयाँ विनियोजन गरेको छ ।

यस्तै जनसम्पर्क तथा प्रचारप्रसार तर्फ ४ करोड ३७ लाख ५० हजार रुपैयाँ बजेट छुट्याइएको छ । अनुसन्धन, योजना तथा अनुगमन तर्फ ६ करोड ४ लाख, पर्यटन सम्पदा तथा संसाधन विकास तर्फ ७ करोड ३८ लाख ५० हजार, पोखरा क्षेत्रीय कार्यलयका लागि ४ करोड ५० लाख ४० हजार, कार्यकारी समिति तथा कार्यकारी प्रमुखको सचिवालय तर्फ १ करोड १६ लाख, कर्पोरेट सर्भिसेज तथा प्रशाासन तर्फ १८ करोड ६६ लाख ७६ हजार १ सय, प्रादेशिक कार्यालय तथा सूचना केन्द्रहरुको स्थापना तर्फ १ करोड ५० लाख, सेन्टर बिजनेस प्लेटर्फम तर्फ २ करोड, जीविकोपार्जन पुनरुत्थानका लागि दिगो पर्यटन परियोजना तर्फ ७ करोड ८ लाख, टिम्स खाताको ७० प्रतिशत संचित रकम मध्यबाट गरिने कार्यक्रमतर्फ २१ करोड ६५ लाख ६० हजार, रुपैयाँ बजेट विनियोजन गरेको छ ।

बोर्डले चालु आर्थिक वर्षमा २ लाख ५५ हजार विदेशी पर्यटकहरु हवाई मार्ग भई बाहिर प्रस्थान गर्ने प्रक्षेपण गरेको छ ।

पूर्णपाठ हेर्न यहाँ क्लिक गर्नुहाेस् 

 

प्रतिक्रिया

सम्बन्धित खवर