२०७८ भाद्र २८, सोमबार | २०७८ आश्विन ३१ | ourtourismnews@gmail.com

अन्नपूर्ण आधार शिविर क्षेत्रका होटलहरु असोज पहिलो हप्ता देखि खुल्ने

२०७८ भाद्र २८, सोमबार

कोभिड १९ का कारण लामो समयदेखि बन्द रहेका अन्नपूर्ण आधार शिविर क्षेत्रका होटलहरु असोज पहिलो हप्ता देखि खुल्ने भएका छन् ।

कोरोना भाइरसको संक्रमण दर घट्दै जानु र घुमफिरको उपयुक्त सिजन सुरु भएकाले अन्नपूर्ण आधार शिविर क्षेत्रका होटलहरु असोज पहिलो हप्ताभित्रै खोल्ने तयारी गरेको घान्द्रुक पर्यटन समितिले जनाएको छ ।

अन्नपूर्ण आधार शिविर क्षेत्रभित्र पर्ने घान्दु्रक, घोरेपानी, टाढापानी, छोमरोङ लगायतमा रहेका होटलहरु असोज पहिलो हप्ता सम्म खोल्ने व्यवसायीहरुले बताएका छन् ।

अन्नपूर्ण आधार शिविरमा किन जाने
अन्नपूर्ण आधार शिविरमा धौलागिरी, अन्नपूर्ण हिमाल लगायत दर्जनौं हिमाल आँखै अगाडि हेर्न पाईन्छ । र यसको उपयुक्त स्थान हो घोरेपानीको पुनहिल । वाह्य तथा आन्तरिक पर्यटक यस घोरेपानी पुनहिलको पदयात्रा गदै पुग्ने गर्दछन् । तर, पछिल्लो समय नेपाली युवाहरुको पनि आकर्षणा यस क्षेत्रमा परेको छ । नेपाल घुम्न आउने विदेशी पर्यटकका लागि घोरेपानी पदयात्रा एउटा प्रमुख आकर्षण हो । घोरपानीबाट आधा घण्टा उकालो हिँडेपछि पुग्न सकिन्छ पुनहिल । घोरपानी हुँदै अन्नपूर्ण आधार शिविर पनि जान सकिन्छ ।

कसरी पुग्ने

पुनहिलबाट टाढापान, छोमरोङ्ग, हिमालय होटल हुँदै अन्नपुर्ण आधारशिविर पुग्न सकिन्छ । पोखराबाट पुनहिल हुँदै घोरेपानी घुम्न जानका लागि पाँच दिनको समय चाहिन्छ । पहिलो दिन पोखराबाट तिखेढुंगा र दोस्रो दिन घोरेपानी पुगिन्छ । तेस्रो दिन घोरपानीबाट सुर्य उदाएको दृश्यावलोकन गर्न पुनहिल टावर गएर पुन घोरेपानी आई टाडापानीमा बस्नुपर्छ । चौथो दिन घान्द्रुक र पाचौ दिन पोखरा पुगिन्छ ।

प्रतिक्रिया

सम्बन्धित खवर