आज    |   

केक काटेर होटल तथा पर्यटन व्यवसायी संघ प्रदेश ३ को पहिलो स्थापना दिवस (तस्विरसहित)



होटल तथा पर्यटन व्यवसायी संघ प्रदेश ३ ले आफ्नो पहिलो स्थापना दिवस विशेष कार्यक्रम गरि मनाएको छ । विश्व पर्यटन दिवसका दिन नुवाकोटको विदुरमा पूर्व मन्त्री तथा प्रतिनिधिसभाका सांसद हित बहादुर तमाङ को प्रमुख आतिथ्यता तथा संस्थापक अध्यक्ष सन्तोष उप्रेतिको अध्यक्षतामा प्रदेश ३ मा रहेका १३ जिल्लाका सम्पूर्ण सदस्यहरु सहभागी भई केक काटेर दिवस मनाईएको थियो ।

अध्यक्ष उप्रेतिले पर्यटन क्षेत्रको प्रवद्र्धन तथा नेपाल भ्रमण वर्षलाई सफल बनाउन साना तथा मझौला होटलहरुको भूमिका महोत्वपूर्ण हुने बताउनुभयो । उप्रेतिले होटल तथा पर्यटन क्षेत्रमा वर्ष भरि कलम चलाउने १ जना पत्रकारलाई विशेष सम्मान गर्ने बताउनुभयो । सो अवसरमा सहभागी १३ जिल्लाका अध्यक्ष तथा पदाधिकारीहरुले होटल तथा पर्यटन व्यवसायी संघलाई पर्यटन क्षेत्रको एक स्थापित संस्थाको रुपमा चिनाउदै नेपालको पर्यटन क्षेत्रलाई विश्व बजारमा चिनाउन सक्रिय भएर लाग्ने बताए ।

आफ्नो स्थापनाको दिवसमा होटल तथा पर्यटन व्यवसायी संघ प्रदेश ३ ले विभिन्न सरोकारवाला व्यक्ति विच नुवाकोटको पर्यटन विकास तथा भ्रमण वर्षमा कसरी पर्यटक भित्राउने विषयमा अन्तरक्रिया कार्यक्रम गरेको थियो । उक्त कार्यक्रम संघका महासचिव दामोदर नेपालले सञ्चालन गरेका थिए ।

Write your Comment


Related News
  • अच्युत गुरागाई नाट्टाको अध्यक्षमा निर्वाचित
  • नेपाल भ्रमण वर्षको आधिकारिक वायुसेवा नेपाल वायुसेवा निगम
  • २५०० मिटरको उचाइमा ‘थम डाँडा इको होमस्टे कम्युनिटी’
  • नेपालको इतिहास बोकेको नुवाकोटको साततले दरबार
  • © 2020: OUR TOURISM NEWS All Rights Reserved. Designed by: GOJI Solution
    माथी